> Ibahagi ang Audio

近幾年澳門馬路嘅車愈來愈多，外賣服務亦愈來愈流行，街上面嘅外賣電單車都變得密密麻麻。 不過好多外賣車亂停亂泊，嚴重阻塞道路，影響大家出行，所以我哋今次就深入探討呢個社會問題。 大家可以睇到，兩架外賣電單車隨便泊喺路邊，直接堵住巴士站，阻住巴士入站，亦都影響乘客上落車。 透過鏡頭見到，呢啲車擺咗好耐，長期霸住行車空間，好容易造成塞車同交通混亂。 除此之外，我哋亦拍到有外賣電單車，直接停喺行車路中間，擋實後面嘅車。 後方駕駛者只可以減速、停車避開，先可以勉強通行。 外賣騎士拎完外賣就直接開車走，完全唔理會自己亂泊帶嚟嘅交通問題。 想改善呢個現象，我哋建議喺街邊合適地點，加設外賣電單車專用臨時泊車位，畀附近大廈嘅外賣員一齊共用。 隨住外賣行業不斷發展，街上嘅外賣車只會越來越多。 只要規劃好專屬泊車位，就可以大大減少亂泊情況，令澳門街道交通更安全、更有秩序，改善城市出行環境。